Mbi 300 mijë të mitur në Shqipëri rrezikojnë urinë, sipas Eurostat

Më shumë se gjysma e personave nën 18 vjeç në Shqipëri rrezikojnë të bëhen të varfër.

Në numër janë mbi 304 mijë të mitur, pjesë e familjeve me të ardhura minimale pranë pragut të varfërisë.

Shifra është e lartë dhe në Europë, Shqipëria del e para për nivelin e varfërisë dhe mundësisë së thellimit të saj.

Pas saj është Mali e Zi e Turqia, ndërsa në kushte më të mira sociale janë Çekia e Sllovenia, dhe mesatarja europiane është 23.8%.

“Rreziku për të qenë i varfër apo përjashtimi social” i referohet individëve të prekur nga të paktën një prej tre formave: varfëri në të ardhura, privim material ose social dhe intensitet i ulët pune.

Pika që ndan të varfrit nga të tjerët është shuma 5.5 dollarë në ditë.

Në rang popullsie, të rinjtë deri në moshën 18 vjeç, përbëjnë grupimin më të madh që rrezikon të vuajë urinë dhe të mirat materiale, ndërsa grupmosha mbi 65 vjeç rrezikon më pak, për shkak të pensioneve mujore.

LEXONI GJITHASHTU:

• Shqipëria e fundit në të ardhura për frymë, sipas Eurostat
• Eurostat konfirmon shifrat e azilkërkuesve shqiptarë në BE