Dy persona janë nën hetim pasi tentuan të fusnin në Shqipëri rreth 32 200 euro.

Paratë e padeklaruara do të kalonin përmes pikës kufitare të Morinës dhe portit të Durrësit.

E gjithë shuma është sekuestruar nga uniformat blu.

Policia ka bërë me dije se shërbimet i gjetën shtetasit J. R. 58 vjeç, banues në Luksemburg, 20 mijë euro të fshehura në automjetin që drejtonte.

Në PKK Port Durrës, shërbimet e Policisë gjetën në automjetin e shtetasit K. B., 35 vjeç, banues në Tiranë, 12 205 euro të padeklaruara sipas kërkesave të ligjit.

Materialet procedurale i kaluan prokurorive pranë gjykatave të rretheve gjyqësore Kukës dhe Durrës, për veprime të mëtejshme, thuhet në njoftim.

LEXONI GJITHASHTU:

• Me 20 mijë euro të padeklaruara në kufi, 37-vjeçari nën hetim
• 33 mijë euro të padeklaruara në port, sekuestrohen paratë, arrestohet 35-vjeçari