Më shumë se 900 civilë janë vrarë gjatë luftimeve në Ukrainë, që prej nisjes së sulmit rus më 24 shkurt, sipas OKB-së.

Zyra e Kombeve të Bashkuara për të Drejtat e Njeriut deklaroi se numri i të vdekurve mund të jetë shumë më i lartë.

Ndër civilët, 112 fëmijë janë vrarë sipas Zyrës së Prokurorit të Përgjithshëm në Ukrainë.

Bombardimet ruse në territorin e Ukrainës vijojnë, duke prekur edhe shkolla, teatro e ambiente të tjera ku po strehohen qindra njerëz për t’u mbrojtur nga lufta.