Mbledhja e grupit të PD/ Noka: Diskutuam si të diversifikohet aksioni në bazë

Ka përfunduar mbledhja e grupit parlamentar të Partisë Demokratike që u mbajt sot para seancës plenare të ditës së nesërme.

Në këtë mbledhje u vendos për të vijuar me aksionin në Parlament duke mos lejuar zhvillimin normal të seancave plenare dhe bllokimin e komisioneve.

Në mbyllje të mbledhje kreu i grupit, Gazment Bardhi u shpreh se do i qëndrohet deri ne fund kërkesës për të pasur një përfaqësim të drejtë dhe propocional të opozitës në Komisionin e Posaçëm të Reformës Zgjedhore.

Ndërkohë që përfaqësuesi i Rithemelimit Flamur Noka tha se diskutimet në grupin parlamentar demokrat janë si të diversifikohet dhe ashpërsohet aksioni opozitar në bazë.

“Në çdo mbledhje  diskutojmë agjendën jave të Kuvendit dhe aksionit tonë opozitar. Çështja e bashkimit të grupit është çështje e mbyllur. Aksioni ka nisur në bazë. Shqiptarët kanë një parlament real, që është në rrugën e shpresës. Deputetët e sot kishin kryefjalë përshkallëzimin e protestës dhe diversifikimin e aksionit. E gjithë strategjia e deputetëve të PD, ishte se si të gjejmë forma për ta diversifikuar dhe ashpërsuar aksionin politik në bazë. Asnjë zë nuk është kundër”, tha Noka ndër të tjera.

LEXONI GJITHASHTU: 

• Marrëveshja me Italinë për emigrantët, Kushtetuesja shtyn seancën
• “Gërdeci”|Zbardhen dëshmitë në gjyqin ndaj Mediut, çfarë thanë në GJKKO ish-zyrtarët