Mbreti Charles flet për herë të parë për trajtimin e kancerit, zbulon gjendjen e tij

Mbreti Charles ka folur lidhur me trajtimin e tij kundër kancerit. Ai u shfaq në emisionin “Stand Up To Cancer” të Channel 4 në një video të xhiruar në Clarence House disa javë më parë.

Ai theksoi rëndësinë e zbulimit të hershëm dhe faktin se miliona njerëz në Mbretërinë e Bashkuar po humbasin ekzaminimet që potencialisht mund të shpëtojnë jetën.

“Sot mund t’ju sjell lajmin e mirë se, falë diagnozës së hershme, ndërhyrjes efektive dhe respektimit të udhëzimeve mjekësore, programi im i trajtimit të kancerit mund të reduktohet brenda vitit të ri”, tha mbreti.

Ai e cilësoi një moment historik dhe një bekim personal që trajtimi po funksionon. Sipas tij kjo është një dëshmi e progresit që është bërë vitet e fundit në kujdesin ndaj kancerit.

“E di nga përvoja ime se një diagnozë me kancer mund të jetë e vështirë”, shtoi ai.

Mreti u shpreh se diagnoza e hershme shpëton jetë. Diku cituar të dhëna, ai tha se kur kanceri i zorrës së trashë diagnostikohet në fazat e hershme, rreth nëntë nga dhjetë pacientë mbijetojnë për të paktën pesë vjet.

Deri më sot, mbreti britanik ka folur pak publikisht për sëmundjen e tij dhe nuk ka zbuluar se nga çfarë lloj kanceri vuan. Ai u shpreh se e shqetëson thellësisht fakti se nëntë milionë njerëz në Mbretërinë e Bashkuar aktualisht nuk kanë bërë ekzaminimet e rekomanduara duke i hequr vetës mundësinë e diagnostikimit të hershëm.

LEXONI GJITHASHTU:

• Makina përplaset me murin e tunelit në hyrje të Pogradecit, plagosen 2 persona
• Protestat e fermerëve grekë, bllokohet qarkullimi në aksin Kakavijë-Janinë