Mbyllen sportelet e pensioneve, aplikimet e sigurimeve shoqërore në e-Albania

Sportelet në Institutin e Sigurimeve Shoqërore do të jenë të hapura edhe nesër.

Në vazhdim, nga data 1 maj, të gjitha aplikimet për pensione, barrëlindje dhe kompensim energjie do të bëhen nga telefoni.

Në moshën daljes në pension, një individi i duhet të shkojë në disa zyra shteti. Aty i kërkohen të marrë dhe të dorëzojë një sërë dokumentesh, me të cilat bëhet llogaritja e pagesave mujore. Por, nga 1 maji, ky shërbim edhe 55 të tjerë në zyrat e sigurimeve shoqërore ndryshojnë.

Drejtori i Institutit të Sigurimeve Shoqërore Astrit Hado tha se të gjitha shërbimet që ISSH ofron do të mund të ofrohen online.

Përveç pensioneve, me aplikim nga telefoni do të sigurohen edhe leja e barrëlindjes, paaftësia nga sëmundjet e aksidentet, trajtimet e veçanta dhe kompensimi i energjisë elektrike.

Aplikimet në e-Albania për sigurimet shoqërore kanë nisur dy vjet më parë, por disa prej tyre vazhdonin të kryheshin në sportele.

LEXONI GJITHASHTU:

• Nga 1 maji nis epoka e shërbimeve pa sportele