Mbytja e jahtit të miliarderëve në Siçili, kërkime me robotë në fund të detit

Ekipet e shpëtimit që po kërkojnë 6 personat e humbur pas mbytjes së jahtit në brigjet e Sicilisë kanë përdorur mjete elektronike të kontrolluara në distancë në operacionet e tyre.

Pasagjerët e humbur mendohet se janë bllokuar në barkun e anijes së tipit “Bajesian”, një super jaht me flamur britanik.

Anija ndodhet në 50 metra thellësi, 10 metra më thellë nga sa mund të zhyten palombarët e certifikuar. Për pasojë, çdo zhytës mund të qëndrojë nën ujë jo më shumë se 12 minuta.

Shërbimet italiane të emergjencave deklaruan se palombarët e saj arritën të gjenin akses brenda mjetit lundrues, por pengoheshin nga hapësirat e ngushta dhe mjetet e zhvendosura.

Zyrtarë të mbrojtjes civile besojnë se kushtet e ujit mund të kenë çuar në një vorbull uji, e ngjashme me një tornado që kalon mbi ujë, për shkak të stuhisë së papritur.

15 persona mbijetuan dhe një trup u gjet i pajetë pranë mbetjeve të jahtit. Viktima është kuzhinieri Recaldo Thomas.

Ndërkohë, mes të humburve janë bosi britanik i teknologjisë, Mike Lynch, e bija 18-veçare, si dhe drejtuesi i “Morgan Stanley”, Jonathan Bloomer.

LEXONI GJITHASHTU:

• Vijojnë kërkimet në Siçili, në bordin e jahtit dhe “Bill Gates-i” i Britanisë
• Fundoset jahti në Siçili, gjendet një trup i pajetë, 6 të tjerë të zhdukur
• Indinjatë në Greqi, udhëtarët me jahtin luksoz i “vënë” flakën ishullit