“Më duaj, por jo vonë”-Mimoza Ahmeti i bën thirrje lexuesve me librin e ri

Shkrimtarja Mimoza Ahmeti ishte këtë të hënë në “Good Morning Albanians”, për të prezantuar librin e ri në bashkautorësi me Mimoza Kuchly. Bëhet fjalë për një vëllim me tregime i cili është botuar nën titullin “Më duaj, por jo vonë”.

Mimoza Ahmeti zbuloi për emisionin se përse ky vëllim me tregime nga dy autore, mban pikërisht atë titull. Ahmeti tha se titulli i librit është në fakt titulli i vëllimit me tregime të Mimoza Kuchly dhe vendosën ta botojnë librin me atë titull, pasi të dyjave iu duk më i përshtatshëm për të krijuar kontaktin e parë me lexuesin.

“Në fakt ky libër përbëhet nga dy kompozime, nga dy autore që ka secila vëllimin e saj me tregime. Unë e titullova vëllimin tim me tregime “Armata e vjetër” ndërsa ajo e titulloi “Më duaj, por jo vonë”, sepse shpesh siç e shpjegon ajo njerëzit kthehen te dashuria që i pret, por kthehen vonë. Për mua dashuria s’ka kohë, le të vijë edhe vonë. Më pëlqeu titulli i saj, se mu duk më i përshtatshëm për kontaktin e parë me lexuesin”,-tha Mimoza Ahmeti.

LEXONI GJITHASHTU:

• Mimoza Ahmeti flet për partnerin: Më trokiti në derë, nuk e dija sëmundjen e tij
• Panairi i Librit “Tirana 2023” hap dyert nga data 15 deri në 19 nëntor