Mimoza Ahmeti flet për partnerin: Më trokiti në derë, nuk e dija sëmundjen e tij

Shkrimtarja Mimoza Ahmeti ishte këtë të hënë në “Good Morning Albanians” ku foli për librin e saj të ri me tregime në bashkëpunim me Mimoza Kuchly, “Më duaj, por jo vonë”.

E pyetur nëse ky titull vjen edhe në jetën e saj personale, Mimoza Ahmeti tha se në fakt titulli, është vendosur nga autorja tjetër dhe e kanë zgjedhur për shkak se u duk më i përshtatshëm për të krijuar kontaktin e parë me lexuesin, megjithatë ajo ndau edhe disa detaje nga jeta e saj personale.

Ajo tha se jeton me një partner polak, i cili është invalid. Shkrimtarja u shpreh se në fillim nuk e ka ditur për sëmundjen e tij, pasi ai ka arritur ta fshehë mirë, pasi siç shprehet ajo, e ka të vështirë edhe vetë ta pranojë faktin që është i sëmurë.

“Unë nuk e dija që ai ishte invalid. Ai ishte që në fillim, unë nuk e dija, se ai me mbijetesë e mbulonte. Ai erdhi vetë në shtëpi. Kishte lexuar gjërat e mia dhe kishte menduar se vetëm me këtë grua…Ai është shumë krenar për të pranuar se është i dashuruar. Unë pranova të bashkëjetojë me të, lodhem shumë, vuaj shumë, sëmundja e tij është shumë e keqe. Besoj se nuk ma tha në fillim sëmundjen, se ai nuk donte ta pranonte. Madje ai akoma nuk do ta pranojë”,-tha Mimoza Ahmeti.

LEXONI GJITHASHTU:

• “Mbante peng pacientët e spitalit”- Forcat izraelite: Vramë komandantin e Hamasit
• Panairi i 26-të i librit hap dyert nga data 15 deri në 19 nëntor