‘Më i liri në Europë’, Serbia shpall marrëveshjen 3-vjeçare të gazit me Rusinë

Presidenti serb Aleksandar Vuçiç njoftoi një marrëveshje trevjeçare për furnizimin me gaz nga Rusia, në një intervistë me kanalin televiziv serb Pink të dielën, duke e quajtur marrëveshjen të favorshme për vendin e tij, raporton CNN.

Vuçiç tha se Serbia do të nënshkruajë një marrëveshje tjetër me kompaninë shtetërore ruse të energjisë Gazprom pasi marrëveshja aktuale 10-vjeçare e gazit të skadojë të hënën.

“Ky është çmimi më i lirë në të gjithë Evropën. Ajo që ramë dakord Putin dhe unë, është shumë e dobishme për Serbinë dhe kështu do të nënshkruajmë një kontratë tjetër, pjesën e parë, e cila është një kontratë trevjeçare”, tha Vuçiç.

Të dielën, Putin dhe Vuçiç diskutuan furnizimet me gaz natyror në vendin ballkanik, sipas RIA Novosti, agjencia shtetërore ruse e lajmeve, e cila citoi Kremlinin të thoshte se Rusia kishte rënë dakord të ‘vazhdonte furnizimin me gaz natyror të pandërprerë për Serbinë’.

Serbia nuk është anëtare e Bashkimit Evropian apo NATO-s.

Ajo është pothuajse tërësisht e varur nga gazi rus, ndërsa ushtria e saj mban lidhje me ushtrinë ruse.

Megjithëse vendi mbështeti dy rezoluta të Kombeve të Bashkuara që dënojnë pushtimin rus të Ukrainës, ai refuzoi të vendosë sanksione kundër Moskës.

LEXONI GJITHASHTU:

• Brnabiç: Serbia nën presion të madh, por s’do të vendosim sanksione ndaj Rusisë
• Albin Kurti: Serbia, një Bjellorusi e Ballkanit