“Më lironi”- Apeli jep vendimin për Mazen, i përfshirë në vrasjen e 20-vjeçarit

Gjykata e Apelit në Tiranë ka rrëzuar kërkesën e Ensi Mazës për një masë më të lehtë sigurie për përfshirjen e tij në vrasjen e 20-vjeçari Stivën Toshkëzi.

Gjykata ka vendosur masën e sigurisë “Arrest me burg” për të riun, i cili dyshohet për kryerjen e veprës penale “Vrasjes me dashje”, kryer në bashkëpunim dhe “Prodhimi, mbajtja, blerja apo shitja pa leje e armëve të ftohta”.

Toshkëzi u qëllua me thikë në orët e para të mëngjesit të 18 prillit në Rrugën ‘4 Dëshmorët’ në kryeqytet, pranë gjimnazit “Partizani”, nga shtetasit Aksel Hoxhaj, në bashkëpunim me Ensi Mazen.

Toshkëzi po kthehej nga puna me makinën e tij dhe në një moment ndeshet me dy personat me të cilat kishte pasur përplasje dhe ndalon makinën.

Autori i krimit u drejtua drejt portës së shoferit ku dhe qëlloi me thikë Toshkëzin, në momentin që ky i fundit doli nga makina.

Në krahun tjetër të pasagjerit shoku i viktimës u përplas dhe goditi me grushte Ensi Mazen.

Goditja që 20-vjeçari mori nga Aksel Hoxhaj rezultoi fatale dhe ai humbi jetën në spital si pasojë e plagëve të marra.

Ensi Maze deklaroi përpara oficerëve të policisë gjyqësore se nuk ka lidhje të drejtpërdrejtë me viktimën, por ishte vënë në dijeni të konfliktit nga shoku i tij, Aksel Hoxhaj.

Maze ka shtuar se ka pak ditë që është kthyer nga Holanda ku është edhe me studime. Pasi ka takuar shokun e tij Akselin ai i ka tregur se para disa kohësh ka pasur nje konflikt me viktimën dhe pretendonte se e ky i fundit e kishte rrahur.

Më tej Maze ka deklaruar se motivi i konfliktit të tyre ishte një vajzë të cilën e pëlqente Aksel Hoxhaj që e kishte në të njëjtën klasë, por ajo ishte në një marrëdhënie me viktimën.

LEXO GJITHASHTU:

• Ekskluzive| Momenti kur 20-vjeçari goditet për vdekje me thikë në mes të Tiranës
• ‘Moll sherri’ një vajzë, si u vra 20-vjeçari në Tiranë. Autorët i bën pritë pas pune
• Kush janë autorët e vrasjes së 20-vjeçarit në Tiranë, prangoset njëri prej tyre