‘Më mirë në shkollë’, dy vogëlushët kalojnë netët në çadër mes të ftohtit 

Për 3 ditë me radhë shkollat do të jenë të mbyllura për shkak të kushteve atmosferike. Por ka dhe nga ato familje që do donin që këto ditë të ftohta fëmijët e tyre t’i kalonin në shkollë, pasi kushtet tek shtëpitë e tyre nuk janë aspak normale.

Këta fëmijë duhet të kalojnë netët e ftohta të dimrit në një çadër derisa banesa e tyre të ndërtohet pasi është shembur nga tërmeti.

Nëna e tyre i druhet virozave të stinës.

“Më mirë në shkollë, më ngrohtë në shkollë sesa këtu, të paktën ditën rrinë ngrohtë në banka, rrinë në 8-12. Kam hallin e fëmijëve se vet, po m’u sëmuren ku të shkoj unë”, thotë nëna e të vegjëlve.

Prej disa ditësh vendi ynë është përfshirë nga temperatura nën zero. Ministria e Arsimit vendosi të pezullonte për tri ditë procesin mësimor, duke nisur nga e hëna.