“Më shumë se 20 të zhdukur në Vlorë”, Yzeiraj ngre shqetësimin: Po bëhet fenomen…

Bajram Yzeiraj, ish-drejtues i lartë i policisë së shtetit dhe ish-zëvendës ministër i Brendshëm ishte i ftuar këtë të shtunë në emisionin “Review” për të folur rreth zhdukjes së Leonard Thodhori i njohur si “Koçolja” dhe Fatmir Sulovari alias Fatmir Krasniqi.

Ai tha se zhdukja e personave po kthehet në një dukuri në Shqipëri pasi vetëm në qytetin e Vlorës numërohen më shumë se 20 persona të zhdukur. Gjithashtu ai tha se policia dhe prokuroria nuk punojnë mjaftueshëm në zbardhjen e këtyre rasteve, të cilat ja pasojnë njëra-tjetrës, deri sa në fund i anulojnë.

“Mua më shqetëson diçka a është fenomen zhdukja e njerëzve? Në Vlorë janë mbi 20 njerëz të zhdukur, që policia nuk ka mundur t’i zbardhë as prokuroria. Këto organe shpesh ja lënë njëra-tjetrës.

Policia thotë ja çova Prokurorisë, Prokuroria thotë fillova, e mban disa kohë, ftohet çështja, dy organet nuk qëndrojnë me veprime aktive dhe një ditë të bukur prokuroria e pezullon. Unë mund të them se vetëm për 2022 një e treta, 30 e ca për qind e ngjarjeve janë pezulluar”,-tha Bajram Yzeiraj.

LEXONI GJITHASHTU:

• Zhdukja e Koçoles e Sulovarit, gazetari: Kërkime me qentë nga Kosova, çfarë dyshohet
• Ferdinand Dervishi: Ngjarja e Sarandës ka lidhje me drogën, jo vetëm me pronat