“Më vjen aroma e gatimit nga komshiu”- Inxhinieri zbulon arsyen: Kursejnë tubat

Azmer Duleviç, inxhinier elektrik dhe automatizimi, ka shpjeguar se në disa pallate, aspirimi lë për të dëshiruar.

Komentet Duleviç i bëri në emisionin “Good Morning Albanians” në Euronews, ku tha se aroma e gatimit të komshinjve poshtë, përhapet edhe në banesat që ndodhen në katet më sipër.

Ai tha se shkak për këtë është kursimi me tubat dhe materialin e vendosur për aspirim dhe megjithëse vetë qytetarët mund të përdorin kundër valvulat, edhe kjo sipas tij nuk bën punë.

“Aspiratori, e keni parasysh aspiratorin te kuzhina, ose te banjot pa dritare që është një tmerr më vete? Por po flasim për pjesën e aspiratorit te kuzhina. Po të jesh në kat të dytë, të pestë të tetë e me radhë, ata që i kanë banesat në këto kate e kuptojnë çfarë do them.

Ti je mirë e bukur në banesën tende, gatuan komshiu poshtë dhe ty të vjen aroma e gatimit të komshiut.

Normalisht kjo gjë nuk duhet të ndodhë, por pse ndodhë do thoni ju? Sepse kursejnë tubat, kursejnë materialin dhe vendosni ju nga ato kundërvalvulat, por prapë nuk bëjnë punë”, tha Duleviç.

LEXONI GJITHASHTU:

• Gatimet tradicionale për fundvit/ Ndryshe nga Myzeqeja, Gjirokastra preferon qingjin
• Amvisa korçare prezanton gatimet për Krishtlindjen: Gjithçka e bërë në vetëm 4 orë