Mediu në gjyq, Ngjela: S’ka rëndësi sa dënohet, arritje për drejtësinë

Avokati Spartak Ngjela, në një intervistë për Euronews Albania e cilësoi një gjyq të vështirë atë ndaj ish-ministrit të Mbrojtjes Fatmir Mediu lidhur me akuzat për tragjedinë e Gërdecit.

Sipas Ngjelës, pavarësisht sa dënohet apo nëse dënohet Mediu, ky proces është një arritje për SPAK që siç theksoi deri tani nuk ka shkuar në nivele të larta.

“Është një gjyq i vështirë. Janë viktimat. Gjithë problemi qëndron që kam vënë re që Mediu nuk di të mbrohet. Nuk ka staturë mbrojtësi. Nuk është aq e thjeshtë si çështje, kjo do ta tregojë, vendimi i sotëm e tregon se ku shkon, por në funksion të drejtësisë në Shqipëri është pozitive, deri tani. Nuk ka rëndësi sa do të dënohet, rëndësi ka që është bërë një gjyq”, tha Ngjela.

Gjyqi ndaj ish-ministrit të Mbrojtjes Fatmir Mediu është shtyrë për në datën 24 maj ora 12:00. SPAK pritej të jepte këtë të martë pretencën për ish-ministrin.

LEXONI GJITHASHTU:

• Këtë të martë jepej pretenca, shtyhet gjyqi ndaj ish-ministrit Fatmir Mediu
• ;Gërdeci;, Zamira Durda kërkon të jetë palë në procesin ndaj Fatmir Mediut