Megaoperacioni i SPAK, Abilekaj: Asnjë reagim nga mazhoranca, heshtje nga Kuvendi

Gazetari Enton Abilekaj, në një intervistë për emisionin ‘Now’ në Euronews Albania, theksoi se operacioni i fundit i SPAK është goditja më e madhe që është bërë ndonjëherë.

Ai theksoi se në dosje janë të  përfshirë të afërm të një deputeti aktual të PS dhe ish-deputetin e PS.

Pavarësisht kësaj, deri më tani nuk ka asnjë  reagim nga mazhoranca.

“Kjo është goditja më e madhe që është bërë ndonjëherë. Kjo ekspozon pa dashje lidhjen politike që kanë këta. Kemi të afërm e një deputeti aktual të PS. Ish-deputetin e PS, këta janë drejtues të lartë të PS. Nuk ka pasur asnjë reagim nga mazhoranca, asnjë masë, asnjë vrarje ndërgjegje. Politika është mësuar që të mos preket. Sot jemi në një heshtje të çuditshme nga ana parlamentare”-tha ai.

LEXONI GJITHASHTU: 

• Berisha: Ne do të fitojmë vetëm kur t’i quajmë armiq Edi Ramën dhe qeveritarët e tij
• “Për Durin, 1 mln €”-Bisedat për vrasjen e Bamit, Ndoka-Martinajt: Grup nga Kosova