“Mekanizëm konsensual”- Bardhi pas mbledhjes: Për çfarë ramë dakord me PS

Kreu i Grupit Parlamentar të Partisë Demokratike, Gazment Bardhi, është shprehur se ditën e sotme në Konferencën e Kryetarëve është rënë dakord mes opozitës e mazhorancës për të normalizuar punën në Kuvend dhe në Komisione.

Komentet Bardhi i bëri gjatë një deklarate për mediat pas përfundimit të mbledhjes ë Konferencës së Kryetarëve, ku tha se qëllimi i protestave të opozitës në Kuvend gjatë këtyre muajve ka qenë plotësimi i kërkesave të tyre në Kuvend dhe nuk kanë pasur qëllime të tjera për të cilat janë akuzuar (vendosja e Berishës në arrest-shtëpie).

Ai tha gjithashtu se në Komisionet Hetimore që do të ngrihen për dy çështje, do të bëhet çdo denoncim që ai ka paralajmëruar.

“Ne ramë dakod në parim për të normalizuar punën në Kuvend dhe në Komisione. Është ngarkuar Komisioni i Ligjeve për krijimin e një mekanizmi konsensual mes mazhorancës dhe opozitës në barazi të plotë, sa i takon ligjeve me shumicë të cilësuar, ligjeve që kërkojnë gjithëpërfshirje, apo ligjeve që janë të rëndësishme në kuadër të procesit të anëtarësimit të Shqipërisë në BE.

Normalizimi i marrëdhënieve në Kuvend ka qenë një kërkesë e vijueshme, që kishin të bënin me respektimin e të drejtave kushtetuese. Në tetor në kundërshtim me Kushtetutën u vendos rrëzimi i kërkesave tona. Edhe pse jemi akuzuar prej 5 muajsh se aksioni jonë kishte motive të tjera, u vërtetua që me plotësimin e kërkesave tona ne rikthehemi në Kuvend, për të diskutuar për problemet e qytetarëve. U çmua që do të duhet të jenë dy kontrata për ta bërë objektin konkret.

Çdo denoncim që kam paralajmëruar që do ta bëj, do të bëhet. S’ka pengesë që për çështje që heton Prokuroria të hetojë edhe Kuvendi, sepse qëllimet janë të dyja të ndryshme”, tha Bardhi.

LEXONI GJITHASHTU:

• Salianji kundër marrëveshjes Bardhi-Çuçi: Është e dëmshme dhe për PD
• A do jetë Bardhi pasuesi i Sali Berishës në krye të PD? Flet Agron Gjekmarkaj