Salianji kundër marrëveshjes Bardhi-Çuçi: Është e dëmshme dhe për PD

Deputeti i PD-së Ervin Salianji, në një intervistë për Euronews Albania është shprehur se është kundër marrëveshjes mes mazhorancës dhe opozitës për komisionet.

Sipas tij, çdo perceptim i krijuar për marrëveshje me Ramën dëmton besueshmërinë e opozitës.

Më tej ai theksoi se Rama nuk ka për të pranuar Reformën Zgjedhore, duke shtuar se s’ka pse ta mbajë një barrë të tillë PD.

“Kemi refuzuar deri më sot uljen në tryezë më mazhorancën. Nuk kemi plotësimin e kërkesave që kemi bërë. Çdo perceptim i krijuar sikur ne ulemi me Ramën dëmton besueshmërinë e opozitës. Çdo marrëveshje apo dialog me Ramën, ne e kemi provuar se është i dëmshëm për PD. Rama nuk mban marrëveshje dhe ne nuk kemi asnjë instrument  se si ta kushtëzojmë në marrëveshje.

E gjitha është ëe gabuar dhe në afatgjatë kam përshtypjen se do të konfirmohen. Kemi pasur zbatimin e Kushtetutës dhe rikthimin e Kushtetueshmërisë. Ky dialog nuk ka arritur të  adresojë kërkesat e publikut. Është e dëmshme dhe për PD. Rama nuk ka për të pranuar Reformën Zgjedhore dhe nuk ka pse PD të mbajë barrën bashkë me PS. Përgjegjësi duhet të jetë Rama”-tha ai.

LEXONI GJITHASHTU: 

• Hidhet shorti i çerekfinaleve në Champions League, njihuni me finalet e parakohshme
• Spahiu: Ervin Salianji mund jetë kryetar i opozitës i pranueshëm për të gjitha palët