“Mendoja se do vdisja”, rrëfimi i gruas që shpëtoi mrekullisht te “Koço Gliozheni”

Gjyliza Bregu, një paciente e cila ishte e shtruar në maternitetin “Koço Gliozheni” dhe ishte diagnostikuar me “placenta previa”  ka shpëtuar mrekullisht falë ndërhyrjes së mjekëve.

Në një intervistë për Euronews Albania ajo tregoi se pavarësisht diagnozës së rëndë dhe lindjes së parakohshme tashmë është mirë bashkë me foshnjën e saj.

Bregu tha se ka dhe dy fëmijë të tjerë ndaj mendja i shkonte gjithnjë te më e keqja.

“Gjatë gjithë kohës, 2 muaj qëndrim, nata ka qenë më e sikletshme duke qenë se mendja më shkonte gjithmonë se nuk do jetoja edhe ka qenë shumë e vështirë,” – u shpreh ajo.

Normalisht placenta atashohet në pjesën e sipërme të kavitetit të mitrës. Në rastet kur placenta është e atashuar më poshtë se zakonisht dhe bllokon (pjesërisht ose plotësisht qafën e mitrës) atëherë kemi të bëjmë me placenta previa.

LEXONI GJITHASHTU:

• Pse nënat mbi 35 vjeçe rrezikojnë më shumë gjatë shtatzanisë
• Vokshi: Rama do të përfundojë në burg, nuk e shpëtoni dot nga ne