Merkato e janarit| Sancho zyrtarisht lojtar i Dortmund, Bayern blen tek Tottenham

Jadon Sancho është rikthyer në shtëpi, kështu e kanë cilësuar tifozët verdhezi kalimin e britanikut në Dortmund. Sulmuesi do të qëndrojë në formë huazimi deri në fund të sezonit në Bundesligë, ndërsa më pas do të rikthehet në Manchester. 23-vjecari duhet të kthehet në formën optimale, në mënyrë që më pas t’i bashkohet djajve të kuq në objektivat e tyre. Kujtojmë se dhe përgjatë viteve 2017-2021, Sancho ka luajtur në Gjermani, aty ku me fanellën verdhezi numëron 137 paraqitje, ku ka shënuar 50 gola dhe 64 asiste.

Qëndrimi i Sancho në Dortmund do të zgjasë deri më 30 qershor 2024. Lëvizjet në Bundesligë janë të paktë, një tjetër akord i arritur është ai mes Bayernit të Mynihut dhe mesfushorit Eric Dier. Britaniku 29-vjecar i cili mund të luajtë si mbrojtës dhe mesfushor, ka kryer testet mjekësore dhe pritet të prezantohet në orët në vijim tek rekordmenët e Gjermanisë. Vlera e paguar drejt Tottenham është 4 mln euro. Trajneri Tuchel e ka mirëpritur futbollistin, duke e cilësuar si një domosdoshmëri në skuadër.

Sulmuesi francez, Anthony Martial ka refuzuar ofertat nga Arabia Saudite, teksa përgjigje negative ka pasur dhe për Fenerbahce në Turqi. 28-vjecari i cili ka humbur vendin e titullarit tek Manchester United, nuk dëshiron të ndryshojë vendbanim, duke këmbëngulur se mund të fitojë minutazh tek djajtë. Kontrata e tij skadon në qershor, ndërsa kujtojmë se u ble vite më parë nga Monaco për 60 milionë euro.

LEXONI GJITHASHTU:

• Milani eliminohet nga kupa, Lazio kualifikohet mes grushteve
• “Kam dhe 1 vit jetë”, ish-trajneri i Anglisë diagnostikohet me kancer: Nuk dorëzohem