“Merr gjobë ai që ngjit njoftime në shtylla”-Kryebashkiaku i Natës i Tiranës

Rezart Cenaj, kryebashkiaku i natës në Tiranë tha se kush vendos njoftime në shtylla do gjobitet.

I ftuar në “Good Morning Albanians”, në Euronews Albania, Cenaj tha se zakonisht në Tiranë njoftime të tilla gjenden në zonat ku jetojnë studentët, por edhe në hyrje pallatesh ku vendoshen njoftimet për personat që kanë vdekur.

“Kjo rregullohet me bashkitë e qyteteve, diku e lejojnë diku jo sepse ka vende të caktuara. Puna e afishimit është një nga format e para  të street marketing dhe vazhdon të jetë akoma shumë efektive. Edhe pse është zhvilluar teknologjia, pavarësisht se kanë dalë forma të tjera marketingu, prap jep efekt.

Zakonisht ne këto njoftime i shikojmë në zonat e studenteve, të tipit dua të ndaj dhomën, apo jap mësim për këtë lëndë. Te ne është shumë i shpesht fenomeni i afishimit të letrave të vdekjeve . Kohet e fundit besoj se kjo ka ndryshuar pak por prap është formë që përdoret. Në qytete të ndryshme kjo gjobitet.

LEXONI GJITHASHTU:

• Basha takim në Tiranë: Pazari, që të ruajnë Kushtetutën e 2008-ës, i shërben Ramës
• Dodik “feston” fitoren e Putinit me ngjyrat e flamurit rus