Partitë në RMV grupe pune për të shqyrtuar propozimin francez

Teksa Maqedonia e Veriut është përfshirë nga protesta të qytetarëve që kundërshtojnë propozimin francez për zgjidhje të mosmarrëveshjeve me Bullgarinë, partitë politike në vend kanë mbledhur grupet e punës për të shqyrtuar këtë propozim.

Në këtë grup janë zëvendëskryeministri për çështje evropiane dhe koordinatori i grupit parlamentar të LSDM-së, dhe deputetë nga të gjitha partitë, pozitë e opozitë.

Në takim pritet që përfaqësuesit e partive të paraqesin qëndrimet dhe komentet e tyre për propozimin.

Dyzet e shtatë policë u lënduan nga sulmet e protestuesve kundër propozimit francez në Shkup të Maqedonisë së Veriut. 11 policë u lënduan më rëndë, ndërsa dy prej tyre e kanë gjendjen më serioze.

Lëndimet kanë ndodhur kur protestuesit hodhën fishekzjarre, bomba tymuese, sende të ndryshme të forta, gurë drejt policisë dhe Kuvendit ku u shkaktuan edhe dëme të shumta materiale.

Protestuesit kundër propozimit francez kërkojnë nga qeveria të mos i nënshtrohet kërkesave bullgare me të cilat dyshojnë se cenohet gjuha dhe identiteti maqedonas dhe hapet rruga për siç thonë, bullgarizim librash dhe heronjsh kombëtar.

LEXONI GJITHASHTU:

• “Po na cenohet identiteti”, qytetarët në RMV në protestë
• Michel: Nëse RMV-ja pranon propozimin francez, hapen negociatat