Mesazhi i fortë i anëtares së familjes Jashari nga Tirana: Po ndodh një padrejtësi

Këtë të premte, pjesë e protestës në mbështetje të UÇK-së ka qenë dhe Sara Jashari, pjesë e familjes legjendare të luftës së Adem Jasharit.

Ajo u shpreh për mikrofonin e Euronews Albania me gazetaren Esmeralda Mulaj se ajo që po ndodh në Hagë është një padrejtësi dhe se shqiptarët nuk duhet të heshtin.

“Kjo protestë bën një thirrje të madhe, ku tregon sesa të bashkuar janë shqiptarët, sidomos në ato momente kur flitet për vlerat e saj. UÇK është një vlerë që na bashkon të gjithëve, është një vlerë që na bën të gjithëve një. Të gjithë jemi bashkë, jemi krahu i tyre i djathtë dhe tregojmë se ata janë çlirimtarët dhe ato janë tre shkronjat e arta që ne kemi marrë Ushtria Çlirimtare e Kosovës. Realisht, ne kemi menduar që Specialja do bënte një gjykim të drejtë dhe ndaj shqiptarët qëndruan në heshtje. Tani ne po e shikojmë që ajo është një padrejtësi,” – tha Sara Jashari.

LEXONI GJITHASHTU:

• Ardon Jashari dëmtohet në stërvitje, mund të mungojë për një kohë të gjatë
• “Liria ka emër!”, Rama tjetër reagim pas protestës për UÇK-në në Tiranë