Mësimi online në SHBA, fëmijët marrin njohuri nëpërmjet një platforme të dedikuar

Nxënësit në Shtetet e Bashkuara të Amerikës kanë përdorur një program të dedikuar për dhënien e mësimit online.

Ornela Koliçi, e cila jeton prej vitesh në Las Vegas në SHBA tregon se vajza e saj që sivjet shkon në klasën të pestë, e zhvilloi mësimin online përmes një programi të dedikuar.

“Procesi ishte i tillë që shkolla ofronte një program që quhej Canva’s. Lidheshin me mësuesin përditë. Kryenin 6 orë mësim në ditë”, tregoi ajo.

Ajo na sqaron se për nxënësit që nuk kishin mundësi ekonomike për t’u pajisur me mjetet teknologjike, ishte shteti që u’a mundësonte.

“Edhe këtu nuk është se e kanë të gjithë mundësinë dhe kanë internetin, por shkolla iu dha edhe Laptop nxënësve dhe i kthenin në fund të vitit”, tregoi znj. Koliçi.

Ornela ndryshe nga prindërit në Shqipëri na tregon se ka qenë shumë e lehtësuar falë këtij programi, i cili u mundësonte fëmijëve të mos humbnin as orët e praktikave.

LEXONI GJITHASHTU:

• Rrjetet sociale, një nga mënyrat ku nxënësit morën njohuritë gjatë mësimit online
• Mangësitë nga mësimi në pandemi, boshllëqe për të gjithë nxënësit
• “Është shkelur ligji”, mësimi plotësues përplas ekspertin e arsimit me drejtoreshën e “Qemal Stafës”