Meta, Kryemadhi dhe 3 fëmijët votojnë: Votoni dhe kërkoni llogari

Kryetari dhe deputetja e Partisë së Lirisë, Ilir Meta dhe Monika kryemadhi votuan sot në qendrën e tyre rreth orës 10:45. Ata ishin të shoqëruar dhe nga 3 fëmijët.

Meta ftoi qytetarët të votojnë, një formë kjo që sipas tij do të përkthehet në kërkesë llogarie.

“Ishte kënaqësi e madhe të votoja sot. Sot votuam si familje e kompletuar se për herë të parë votoi dhe Era.
Unë kam vetëm një lutje për të gjithë qytetarët e Tiranës dhe gjithë Shqipërisë, pjesëmarrje, pjesëmarrje dhe përsëri pjesëmarrje. Vetë demokracia është pjesëmarrje dhe nuk ka ndryshim pa pjesëmarrje. E drejta më e rëndësishme që ka një qytetar është vota. Një qytetar që nuk ushtron këtë të drejtë nuk ka të drejtë as të kërkojë llogari. Ushtroni këtë të drejtë sot. Vetëm përmes pjesëmarrjes ju mund të bëheni pjesë e ndryshimit dhe t’i kërkoni llogari të gjithëve. Ditë e madhe për Shqipërinë, merr fund monizmi absolut,” – u shpreh Meta.

LEXONI GJITHASHTU:

• Incidenti në Durrës, ndërpritet votimi ne shkollën “Naim Babameto”
• Gazetarja e Euronews Albania ndalohet të hyjë në “kapanonin e votimit” në Yzberisht