Ministri Çuçi reagon pas arrestimit të autorit të vrasjes së 3-fishtë në Tiranë

Ministri i Brendshëm, Bledi Çuçi ka reaguar pas arrestimit të autorit të trefishtë në Tiranë, Ramazan (Dan) Hutra.

Përmes një postimi në rrjetetr sociale, Çuçi ka përgëzuar Policinë e Shtetit për arrestimin e Hutrës, të cilin e konsideroi një kriminel të regjur.

“Përgëzime Policisë së Shtetit për arrestimin e një krimineli të regjur, që sot mori jetë të pafajshme në Kamëz. Një ngjarje e rëndë, që mund të ishte shmangur nëse autori do të ishte në burg nga sistemi i drejtësisë në të shkuarën për skendën e tij kriminale.

Edhe njëherë Policia e Shtetit dëshmoi profesionalizëm dhe bëri detyrën duke çuar prapa hekurave autorin, që nuk duhet më kurrsesi t’i shpëtojë ndëshkimit më të ashpër të drejtësisë. Ngushëllime familjeve të viktimave!”, thuhet në reagimin e Çuçit.

Ramazan (Dan) Hutra autori i vrasjes me armë zjarri të 3 grave të mërkurën në kryeqytet është arrestuar nga policia.

Hutra është vënë në pranga pas disa orësh në arrati në zonën e Sharrës, në periferi të Tiranës.

Dan Hutra vrau me armë zjarri shtetaset, Mevlute Hysa 30 vjeçe, motra e ish-bashkëjetueses së tij dhe Hasime Dafku 30 vjeçe, e fejuara e vëllait të ish-bashkëjetueses.

Gjithashtu, plagosi ish-bashkëjetuesen e tij Elena Hysa, 35 vjeçe, dhe nënën e saj Kujtime Hysa, 60-vjeçe.

Ai dyshohet se është edhe autori i vrasjes së Etleva Kurtit, ditën e sotme në Kamzë.

LEXONI GJITHASHTU

• Arrestohet autori i masakrës së 3-fishtë në Tiranë, Dan Hutra
• FOTOLAJM| Brenda banesave ku Dan Hutra vrau 3 gra në Tiranë
• Pas masakrës në Paskuqan, Hutra vrasësi serial që dyshohet dhe për ngjarjen në Kamëz