Miratimi i buxhetit mes tymit dhe flakëve, PL: U ligjërua rënia e parlamentit

Nënkryetari i Partisë së Lirisë, Petrit Vasili ka publikuar foto të Kuvendit para nisjes së seancës plenare të kësaj të hëne ku në sallë shiheshin forca të shtuara të Gardës, ndërsa do të votohej për miratimin e buxhetit.

Ai shkruan bashkangjitur se fotot janë pamjet më tronditëse të historisë së pluralizmit.

Sipas Vasilit me futjen e Gardës në sallë, është thyer ligji, rregullorja e Kuvendit dhe rrjedhimisht parlamenti ka rënë.

“Parlamenti i zaptuar nga Garda de jure dhe de facto ka rëne! Në sallë 90 deputetë dhe 200 gardistë, ky është parlamenti sot. Parlamenti është totalisht i zaptuar nga Garda dhe në këtë mënyrë është ligjëruar rënia e tij. Kushtetuta e Shqipërisë është kthyer në rregullore të Gardës. Rregullorja e Kuvendit është kthyer në Rregullore të Gardës. Në sallën e Kuvendit s’ka asnjë të drejtë të hyjë kërrkush përveç deputetëve. Pamjet më tronditëse të historisë së pluralizmit. Grusht i shtetit i qeverisë mbi parlamentin është fakt publik në sytë e të gjithë botës,” – shkruan Vasili në Facebook.

LEXONI GJITHASHTU:

• Miratohet buxheti, Bardhi: 4 min e 29 sek për financimin e krimit dhe miqve të Ramës
• Buxheti u miratua mes tymit e flakëve/ Berisha: E kaluan për 5 minuta, s’votoi njeri