Miratohen vendimet e qeverisë për energjinë, Balluku jep detajet

Janë miratuar në Këshillin Ministrave vendimet e qeverisë për energjinë.

Ministrja e energjisë dhe infrastrukturës Belinda Balluku në një dalje për mediat, bëri me dije se është miratuar platforma e monitorimit dhe verifikimit që do të ndjekë konsumin vjetor të energjisë elektrike në të gjithë sektorët.

Po ashtu është bërë dhe ndryshimi i VKM-së që rregullon procedurat e ndërtimit të kapaciteteve të reja të energjisë së rinovueshme që nuk janë objekt koncensioni.

“Është miratuar platforma e monitorimit dhe verifikimit që do të ndjekë konsumin vjetor të energjisë elektrike në të gjithë sektorët. Një vendim tjetër është ndryshimi i VKM-së 822 e njohur ndryshe si VKM-ja që rregullon procedurat e ndërtimit të kapaciteteve të reja të energjisë së rinovueshme që nuk janë objekt koncensioni. Sot fusha energjetike është një fushë e konsoliduar. Po bëjmë rregullimet e fundit që do e bëjnë sektorin më të fuqishëm përsa i përket kuadrit ligjor dhe do na japë mundësi ne për të qenë më të shpejtë përsa i përket certefikimit dhe aprovimit të lejeve që kërkohen nga subjektet private për energjinë.

Dokumentacioni i pasurisë ku do të ndërtohet impianti duhet të paraqitet që në fazën fillestare të aplikimi. Deri më sot aplikimi nuk kërkonte dëshmi të pasurisë që do të përdoret për ndërtimin e këtij impianti. Burimet e reja të energjisë elektrike janë një fushë e konsoliduar ku nuk mund të bëhen më eksperimente”- tha Balluku.

LEXONI GJITHASHTU: 

• Zbardhet takimi i Celibashit me ambasadoret e SHBA dhe BE, çfarë u diskutua
• Berlusconi shtrohet me urgjencë në spital, futet në terapi intensive