Autoriteti Kombëtar i Ushqimit ditën e sotme ka nisur një aksion sensibilizimi për të gjithë qytetarët, ku në hyrje të supermarketeve është vendosur një njoftim i rëndësishëm, ku tregohet produkti me salmonelë dhe i bëhet thirrje qytetarëve të kenë kujdes nga ky produkt.
Të gjithë ata qytetarë që e kanë blerë këtë produkt duhet ta rikthejnë atë në supermarkete ose ta denoncojnë në numrat e telefonit.
Kontrollet kanë nisur prej disa ditësh në dhjetëra biznese të qytetit të Vlorës. Ky aksion është përqendruar te subjektet private të evidentuara me risk, ku mund të ketë tregtim të mishit të pulës të kontaminuar me salmonelë.
Inspektorët e sigurisë ushqimore po vijojnë kontrollet edhe këtë të enjte. Sipas informacioneve, kontrollet janë shtrirë edhe në subjektet private në fshatra dhe brenda lagjeve, për shkak të rrezikut të shpërndarjes së këtij produkti.
Pjesë e kontrolleve do të jenë gjithashtu restorantet dhe fast-food-et e qytetit. Disa prej këtyre subjekteve janë kontrolluar më parë, ndërsa tani po inspektohen të tjera.
Në hyrje të subjekteve private janë vendosur tabela informuese për klientët, të cilat evidentojnë produktet që përmbajnë salmonelë. Gjithashtu, nëse e kanë konsumuar, mund të raportojnë rastin. Për këtë qëllim, Autoriteti Kombëtar i Ushqimit, rajoni Vlorë, ka vënë në dispozicion numra kontakti për qytetarët.
LEXONI GJITHASHTU:
- U tentua dhe posta e Dumanit, çfarë dihet nga hakërimi i e-maileve të SPAK
- U rrëmbye nga 3 persona në Lezhë, lihet i lirë 35-vjeçari. Identifikohen autorët