Misteri i flakës që ndizet vetë në varrin e Krishtit, ja çfarë ndodh!

Teologu Miron Çako tregoi në një intervistë për Euronews Albania misterin e ditës që zbret në varrin e Krishtit të shtunën e madhe të Pashkëve.

Çako tha se çdo vit qirinjtë e patriarkut ortodoks dhe besimtarëve ndizen vetë në varrin e Krishtit, nga një dritë e ftohtë që nuk të djegë.

Sipas tij, vitin që drita nuk do të zbresë në varrin e Krishtit do ketë katastrofë.

“Prej shekujsh në varrin e Krishtit, që është në juridiksionin e kishës ortodokse futet patriarku, të shtunën e madhe me 33 qirinj të pandezur, aty kontrollohet nga të gjitha kishat jo ortodokse që kanë përfaqësues, katolikë, armenë, nga policia, mediat që janë aty. Nuk ka asnjë mjet ndezës, kisha është totalisht e kontrolluar. Futet në varrin e Krishtit dhe e shoqëron përkthyesi armen për ta kontrolluar. Ul qirinjtë në varrin e Krishtit dhe ortodoksët presin jashtë; vjen zjarri hyjnor që vjen o nga varri o nga lart dhe ndez qirinjtë e patriarkut fillimisht dhe pastaj të besimtarëve; është një dritë që nuk të djeg. Për disa minuta është një dritë e ftohtë dhe pastaj kthehet në një dritë normale. Kjo është një mrekulli që ndodh vit për vit. Sivjet u vonua ardhja e dritës dhe pati një panik shumë të madh sepse atë vit që nuk do të zbresë drita, do jetë një katastrofë globale”, tha Çako.

LEXONI GJITHASHTU:

• Sot kremtohet Pashka, besimtarët ortodoksë festojnë ngjalljen e Krishtit
• “Pashka, mesazh shprese për njerëzit,” pastori shpjegon kuptimin e ditës së veçantë