Mjeku: Hani vetëm 2 herë në ditë, mëngjesi dhe darka, të panevojshëm

Imazheristi dhe mjeku alternativ, Luçiano Bardhi, është shprehur se një njeri në moshë të madhe e ka të nevojshme të ushqehet vetëm 2 herë në ditë.

Komentet Bardhi i bëri në emisionin “Good Morning Albanians” në Euronews, ku tha se mëngjesi është i panevojshëm për moshat e mëdha.

Ai tha gjithashtu se edhe në darkë nuk duhet konsumuar ushqim ‘i rëndë’, përveçse ndonjë gjë e lehtë.

“Të marrim një person të shëndetshëm. 2 herë në ditë po të hajë një person, është i mjaftueshëm. Në mëngjes fëmijët duhet ta konsumojnë me patjetër, sepse mitokondria e tij harxhon energji.

Ndërsa personat që janë adult, në moshë më të madhe, mëngjesin nuk e kanë të detyrueshëm, drekën patjetër që e ka dhe diçka të vogël pasdite.

Darka diçka të vogël, ndonjë çaj, ndonjë frut të thatë. Jo ushqime që të mërzisin mëlçinë e pankreasin”, tha Bardhi.

LEXONI GJITHASHTU:

• Ekspertja e turizmit: Pagova 150 € nata në Jug, nuk më pëlqeu ushqimi i mëngjesit
• Lëkundje tërmeti gjatë orëve të para të mëngjesit në vend, ku ishte epiqendra