Mjeku Merja: Rëra e nxehtë dhe uji i detit shkrijnë celulitin

Mjeku alternativ Ylli Merja tha në një intervistë për “Good morning Albanians” në Euronews Albania se plazhi, mes shumë benefitesh që ka mund të ndihmojë dhe në shkrirjen e celulit.

Sipas tij, rëra e nxehtë dhe uji i ftohtë, të tilla ndryshime që pëson trupi i njeriut ndihmojnë për të pasur një lëkurë më të tonifikuar.

“Unë i këshilloj njerëzit që në këtë periudhë, me një çadër, nga ora 13:00 deri në 13:30-14:00 kur ajo rëra është zjarr e ndezur, ju bën shumë mirë të ecni zbathur në rërë. Për shembull, mund të ecni 100 metra, digjesh fort nga këmbët, të përvëlohen, por futu në det, freskoji, dil prap në rërën e nxehtë dhe ec. Këtë ecje duhet ta bëjnë të gjithë ata njerëz që kanë rrjedhje të kriprave të kockave.

Shikojmë plot njerëz që shkojnë ditën e parë të plazhit me celulit, me muskuj të fryrë, me këmbë të ënjtura dhe ikin në fundin e tij, pas 4-5 ditësh me muskujt fin, këmbët e holla, me një lëkurë të sheshtë, të ngjeshur,” – u shpreh Merja.

LEXONI GJITHASHTU:

• Merja: Njerëzit që vuajnë nga këto dy probleme nuk duhet të shkojnë në plazh
• Ylli Merja këshillon: 20 minuta duhet të dilni në diell, pa krem mbrojtës