Mjeku shqiptar dhe farmacisti amerikan bëjnë vizita falas në Fishtë të Lezhës

Një Fishtë të Lezhës mjeku shqiptar dhe farmacisti amerikan u bëjnë banorëve vizita falas.

Bëhet fjalë për mjekun Angjelin Shtjefni, i cili vjen në Shqiperi rregullisht një ose dy here në vit, por jeton në Jacksonville Florida.

Bashkë me të është edhe farmacisti amerikan William Nimo, i cili vjen për herë të parë fizikisht, edhe pse prej vitesh ka kontribuar nga Amerika me ilaçe.

Angjelini është mjek i përgjithshëm dhe prej vitesh ai pushimet nuk i kalon në SHBA apo vende luksoze, por vjen në Shqipëri, në fshatin e tij të lindjes, në Fishtë.

Jo vetëm vizita falas, por ata bëjnë edhe analizat për banorët e zonës dhe të gjithë ata që kanë nevojë.

Ai është larguar për në SHBA në vitin 1996 dhe vazhdon edhe andej profesionin e tij të mjekut të përgjithshëm.

LEXONI GJITHASHTU: 

• Avokati Beqiri: Babai më kërkoi t’i fusja djalin në burg se përdorte drogë
• Ukraina nis sulmin me raketa në Krime, thotë Rusia