“Zëri” i Radio Tiranës Agim Xheka vjen me një rrëfim ekskluziv për jetën e tij në emisionin “Profil” në Euronews Albania.

Ai nisi punë në radio për herë të parë në moshën 14-vjeçare ku u njoh me figura si Vaçe Zela, Avni Mula, Reshat Arbana etj.

Për gazetaren Greta Topjana, Agim Xheka ka treguar se merr një pension jo të plotë, të cilin ai e quajti qesharak.

Ai tha se pas marrjes së dekoratës nga Presidenti i Republikës, asgjë nuk ndryshoi dhe shtoi se nuk e kishte menduar që do të mbetej në mëshirë të fatit për pagesa të tilla, si për krijimin e dokumentarëve, që do i shërbenin edhe të tjerëve.

“Unë marr një pension qesharak, sepse 23 vjet pa punë, kur mbusha moshën për pension, mua duhet të më binin 55 vite punë, por 23 i kisha mangut. Dhe nuk më doli pensioni i plotë. Kur më uronin për çmimin, për dekoratën, thoja ‘nuk shoh ndonjë ndryshim.

Unë jam ai që isha edhe dje pa pasur dekoratën’. Nuk e kisha menduar që në këtë moshë të rrija në mëshirë të rastësisë. Të pagesave për gjëra të tilla, për dokumentarë edhe kështu. Kam shumë kujtime që mund t’i hedh, kam akoma gjëra në tru që mund t’u shërbejnë të tjerëve”, tha Xheka.

LEXONI GJITHASHTU:

• Paga 900 € pas korrikut/ Buxheti indekson dhe për pensionet, ndihmohet sektori fason
• Sakrificat e mësuesve, 2 arsimtarë në pension tregojnë karrierën 45-vjeçare