Një prej autorëve të grabitjes së banesës së futbollistit anglez Raheem Sterling, dyshohet se fshihet në Shqipëri. Autoritetet policore kanë vijuar hetimet, ndërsa zbuluan se bëhet fjalë për 3 persona të cilët hynë në shtëpinë e sulmuesit të Chelsea, ku morën plot 300 mijë paundë, ndërsa mundën të largohen menjëherë, pavarësisht kontrolleve në vend.

“The Sun” ka publikuar lajmin se Henri Osmani, njëri prej grabitësve i moshës 44 vjeç po fshihet në Shqipëri, madje duke shtuar më tej se më 18 korrik ai ka hyrë në vendin e lindjes. Në lidhje me këtë lajm, prestigjozja britanike ka bërë një kërkesë drejt Ministrisë së Brendshme, ku ka reaguar ministrI Taulant Balla. Përgjigja e këtij të fundit ishte se asnjë shqiptar që ka kryer krime në Mbretërinë e Bashkuar nuk duhet të mendojë se mund të fshihet në vendin tonë.

Autoritetet angleze u kanë kërkuar homologëve shqiptarë të vijojnë bashkëpunimin me qëllim kapjen e Osmanit, por dhe dy grabitësve të tjerë, konkretisht Alfred Isufi dhe Gerard Kalaja. Edhe dyshja në fjalë janë larguar nga Britania e Madhe, ndërsa ende nuk dihet vendndodhja e tyre, por policia pohon se ata do të pyeten për 33 vjedhje të regjistruara në vend.

Kujtojmë se banesa e Sterling ra pre e grabitësve dhjetorin e shkuar kur futbollisti ishte në Katar, në Kupën e Botës me kombëtaren, duke e detyruar këtë të fundit të largohet drejt familjes së tij.

LEXONI GJITHASHTU:

• EMRAT| Kush janë 3 shqiptarët që vodhën shtëpinë luksoze të futbollistit të njohur 
• Interi, mbrojtja më e mirë në Evropë: Vetëm 1 gol në 5 javë