‘Mos flisni publikisht për taktikat ushtarake’, Zelenski thirrje zyrtarëve

Presidenti i Ukrainës, Volodimir Zelenski u ka bërë thirrje zyrtarëve që të mos flasin me gazetarët për taktikat ushtarake kundër Rusisë.

“Sa më pak detaje të zbuloni për planet tona të mbrojtjes, aq më mirë do të jetë për zbatimin e atyre planeve”, tha ai.

Një zyrtare e lartë e Ministrisë së Mbrojtjes tha se është hapur një hetim lidhur me rrjedhjen e informacioneve.

Deklarata e Zelenskit vjen teksa spekulimet po vazhdojnë lidhur me shkakun e një serie shpërthimesh më herët gjatë kësaj jave në bazën ajrore ruse në Krimenë e aneksuar.

Shpërthimet kanë shkatërruar të paktën tetë avionë luftarakë rusë që ishin në bazën ajrore në Krime.

Imazhet satelitore kanë shfaqur shkatërrim të madh në bazën ajrore Saki që gjendet në perëndim të qytetit Novofedorivka të Krimesë.

Rusia ka sugjeruar se shpërthimet kanë ndodhur për shkak të pakujdesisë.

LEXONI GJITHASHTU

• Rreziku për katastrofë atomike, OKB kërkon akses në impiantin e Zaporizhias
• Vendet perëndimore do të japin edhe 1.5 miliard euro për Ukrainën