‘Mos më bëj politikë’, presidenti i KOKSH-it përplaset me analistin për bastet

Presidenti i Komitetit Olimpik Kombëtar Shqiptar (KOKSH), Fidel Ylli dhe analisti Genc Burimi kanë debatuar në lidhje me hapjen e basteve në vend.

Në një intervistë për Euronews Albania, Ylli u shpreh se bastet duhet të rihapen formalisht dhe të kontrollohen nga shteti,e më pas ta shpërndajë monopolin në disa kompani.

Sipas tij, bastet janë të hapura në çdo shtet të Evropës dhe shtoi se ku është një ves, që nuk mbyllet me ligje.

“Merru me kompanitë e basteve, mos na bëj politikë këtu të lutem. Po flasim për kompanitë e basteve dhe për modelet në të gjithë Evropën se si i kanë. Sot që flasim janë të hapura. Ti merresh me politikë nga mënjgesi deri në darkë. Këtë e ka kërkuar sporti. I ka e gjithë Evropa bastet, pse mos ta bëjmë edhe ne? theksoi Ylli.

Burimi e ka kundërshtuar këtë, duke thënë se në një vend si Shqipëria me korrupsion të lartë, bastet mund të shkatërrojnë vendin.

“Kjo është politike. Sot, kryeministrin e ke në Izrael, e ke për drogën. Më 1 janar në Shqipëri, të legalizohet droga dhe kanabisi. Në një vend si Shqipëria, me një taban kaq të korruptuar, ato baste të shkatërrojnë vendin. Në Shqipëri, sot nuk ke një drejtësi të pavarur”, nënvizoi Burimi.

LEXONI GJITHASHTU

• Si do kontrollohen bastet online? Flet presidenti i KOKSH-it, Fidel Ylli
• ‘Hapen për të pastruar paratë’, Bezhani: Lekët e basteve nuk shkojnë për sportin
• Hapen bastet sportive, qeveria pritet të arkëtojë 2 mld lekë taksa në vit