Moti i keq pezullon lundrimet e varkave në portet e Vlorës e Durrësit

Stuhia e fuqishme që ka goditur vendin tonë ka shkaktuar dëme të mëdha në portin e Durrësit, duke këputur litaret që lidhin tragetet dhe duke krijuar kaos në zonën e anijeve.

Pasagjerët që po udhëtojnë drejt Barit me tragetin e linjës “Françeska” thonë se për shkak të dallgëve të forta trageti ka pësuar një lëvizje të papritur, duke u spostuar rreth 100 metra nga vendi i tij, pas këputjes së litareve. Kjo ka shkaktuar një rrezik për varkat e vogla dhe për hekurat që kanë rënë mbi anijet e tjera. Kapiteneria ka njoftuar se do të ndalohet lundrimi I varkave të vogla dhe peshkarexhave deri në qetësimin e motit.

Reshje të dendura dhe shtrëngata kanë shoqeruar edhe gjirin e Vlorës këtë të shtunë, ku kapiteneria ka vendosur ndalimin e mjeteve të vogla lundruese dhe anijeve të peshkimit drejt detit të hapur, duke nisur nga ora 10:00 e datës 30 gusht, pasi dallgët në det të hapur i kalojnë 2 metra lartësi.

Anijet e transportit ndërkombëtar do të vazhdojnë të operojnë normalisht.