Muça: Sot futbollistët e kanë kthyer fenë në modë kur dalin në fushë

Gentian Muça, futbollist, ish-kapiteni i Tiranës tha në emisionin GoodMorning Albanians në Euronews Albania se vitet e fundit futbollistët e besimit mysliman e demonstrojnë më hapur besimin e tyre.

Ai tregoi se shumë futbollistë nuk druhen ta falënderojnë Zotin kur janë në fushën e lojës dhe ky ndryshim mendësie sipas tij lidhet me hapjen gjithnjë e më të madhe të futbollit edhe ndaj talenteve që vijnë nga vende myslimane.

“Mund të përmend shumë lojtarë që kanë pasur kauzë të karrierës së tyre edhe çështjen fetare. Vitet e fundit është bërë edhe pak e modës se kemi parë edhe futbollistë, që mënyrë se si e festojnë golin e tyre ka një farë dedikimi dhe falënderimi për Zotin. Mendoj se janë shkundur pak nga sikleti i të shfaqurit haptazi, më parë nuk ka qenë kjo gjë. Vendet myslimane janë hapur disi edhe sa i përket talenteve. Në Botëror pati edhe futbollistë myslimanë që patën sukses, dhe kjo i ka bërë futbollistët myslimanë që të kenë një këndvështrim tjetër sa i përket aspektit festar”, tha futbollisti.

LEXONI GJITHASHTU:

• “Të bëhem të dashur e solidarë” – Mesazhi i kreut të KMSH për Kurban Bajramin
• Sot festa e Kurban Bajramit, kryeministri uron besimtarët