Mustafaj zbërthen vendimin e Kushtetueses: Ku gaboi me Berishën 

Ish-këshilltari i Gjykatës Kushtetuese, Dardan Mustafaj e cilësoi të gabuar në disa nivele vendimin e sotëm të gjykatës kushtetuese, gjë që sipas tij vjen pasi kjo gjykata është fryt i një procesi burokratik.

Në emisionin Now në Euronews Albania, Mustafaj u shpreh se me këtë vendim, Kushtetuesja ka kushtëzuar dhe kufizuar kompetencat e veta dhe të deputetëve.

“Kemi një vendim që gjykata ka kushtëzuar dhe kufizuar kompetencat e veta, duke thënë që deri tek ky vendim ka pranuar që 1/5 e deputetëve mund të kërkojë çdo gjë që është brenda kompetencave të saj.

Kjo është element i rëndësishëm për fuqinë e kësaj gjykatë, dhe ky është një element shumë i rëndësishëm i gjykatës për t’u vënë në lëvizje. Duke ja kufizuar vetes këtë, ja ka kushtëzuar edhe deputetëve. Kuvendi nuk është 1, është i përbërë nga deputetët, dhe s’mund t’i lihet në dorë kuvendin në vetvete që të vendosë. 28 deputetë është një pakicë substanciale, që janë për çështje madhore”, tha Mustafaj.

LEXONI GJITHASHTU:

• Zbardhet padia e Rithemelimit në Kushtetuese kundër SPAK, Berisha s’e firmos
• Protestat e lajmëruara nga Berisha, Bardhi: Kanë mbështetjen time të plotë