Zbardhet padia e Rithemelimit në Kushtetuese kundër SPAK, Berisha s’e firmos

Euronews Albania ka siguruar padinë e plotë të grupit të Rithemelimit të depozituar në Gjykatën Kushtetuese për pezullimin e masave shtrënguese ndaj Sali Berishës.

Padia është firmosur nga 30 deputetë të PD, mes tyre edhe Gazment Bardhi.

Vetë Berisha nuk e ka firmosur padinë e grupit të Rithemelimit.

Dy ditë më parë, Oerd Bylykbashi, Ivi Kaso dhe Franci Nuri përfaqësues të Grupit të Rithemelimit depozituan në Gjykatën Kushtetuese një padi lidhur me “konfliktin e kompetencave midis pushtetit Gjyqësor dhe pushtetit Legjislativ për imunitetin e deputetëve”.

Gjykata e Posaçme e Shkallës së Parë për Korrupsionin dhe Krimin e Organizuar 2 muaj më parë vendosi masë detyrim paraqitje dhe ndalim të daljes jashtë shtetit edhe, për ish-kryeministrin Sali Berisha me akuzën e korrupsionit pasiv kryer në bashkëpunim, parashikuar nga neni 260 dhe 25 i K.Penal”.

Bëhet fjalë për një pronë me rreth 10.000 m2, në qendër të Tiranës që në vitin 2008 është privatizuar me një vlerë prej 100.000 dollarë. Klubi sportiv “Partizani” ka qenë në pronësi të Ministrisë së Mbrojtjes, jo shumë larg nga qendra e Tiranës, ku sot janë ngritur 17 kulla.

LEXONI GJITHASHTU:

• “SPAK s’po mbyll qepenin”- Zyla: Pse ngjasojnë deklaratat e Ramës dhe “Rithemelimit”
• Mbyllet paqësisht protesta e Rithemelimit, kërkesa e Berishës për simpatizantët