Muzeu etnografik në Gjirokastër/ Përcjell vlerat e folkut dhe traditës së qytetit

Muzeu Etnografik tashmë është një prej qendrave më të vizitueshme nga turistët në Gjirokastër ndërsa po kontribuon edhe për përcjelljen e vlerave të traditës tek të rinjtë.

Nëpërmjet aktiviteteve të vazhdueshme që zhvillohen në mjediset e këtij muzeu të rinjtë njihen me folkun, traditat e pasura, këngët popullore, veshjet karakteristike të zonës së Gjirokastrës dhe më gjerë.

“Aktivitetet e shpeshta që organizohen në qytetin e Gjirokastrës duke afruar të rinjtë me kulturën, veshjet tradicionale gjithashtu me këngët popullore janë gjithmonë një promovim i mirë si për qytetarët si për të ardhurit që vijnë për të vizituar qytetin sepse tradita vazhdon duke kaluar brez pas brezi”.

“Ne sot organizuam një dasmë gjirokastrite, e cila jo vetëm për vendasit shqiptarë por edhe turistët do të ishte diçka e rëndësishme që të tregojmë vlerat tona, si kostumet si dhe tradita e dasmave”.

Pjesëmarrësit në këto aktivitete i vlerësojnë të rëndësishme për transmetimin dhe promovimin tek të rinjtë të traditave tona popullore si vlera kombëtare.

“Një vlerë shumë të mirë që fëmijët dhe të rinjtë, që brezi i ri ti mësojë të gjitha traditat e brezit të vjetër këngët, vallet, veshjet të gjitha, ne kemi dhe të reja  që mundohen ti punojnë këto veshjet popullore ti qëndisin”.

Organizimi i aktiviteteve të tilla nga Muzeu Etnografik ndikon edhe për tërheqjen e turistëve si dhe rritjen e vizitueshmërisë së tij.

“Këto aktivitete që organizohen padyshim që promovojnë vlerat e trashëgimisë kulturore kryesisht në qytetin e Gjirokastrës dhe jo vetëm kostumografinë, etnografinë e zonës, muzikën tradicionale, veshjet, këngët, vallet tradicionale kështu që janë të mira dhe promovojnë dhe njihet edhe brezi i ri po gjithashtu edhe turistët e huaj”-Besjan Dida.

Tashme muzeumet në Gjirokastër krahas mikpritjes së vizitorëve janë edhe qendra të rëndësishme për informimin dhe njohjen me historikun dhe traditat shekullore të qytetit të gurtë.

LEXONI GJITHASHTU: 

• 309 pacientë me probleme të shëndetit mendor, mjekët ngrenë shqetësimin
• Perëndimi kritikon zgjedhjet ruse: Procesi u bazua tek censura, represioni dhe dhuna