Myrto Uzuni vlerësohet makimalisht në Spanjë, shpallet lojtari më i mirë i La Liga 2

Sulmuesi i kombëtares shqiptare Myrto Uzuni ka rrëmbyer trofeun e futbollistit më të mirë të sezonit që lamë pas në La Liga 2. 28-vjeçari arriti të shënonte 23 gola në kampionat me Granadën, madje duke tërhequr vëmendjen e disa skuadrave në elitën e Spanjës.

Çmimet për lojtarët më të mirë të sezonit të shkuar u ndanë mbrëmjen e së martës në Madrid, aty ku futbollistët kanë votuar mes tyre për më të mirin. Organizimi u bë nga shoqata e futbollistëve profesionistë spanjollë, ndërsa të pranishëm ishin yjë të futbollit, si dhe drejtues të këtij institucioni në Spanjë. Ishe vetë Havier Tebas, president i La Ligas që i dhuroi cmimin Uzunit duke vlerësuar paraqitjet e tij dhe ecurinë fantastike të GRanadës.

Kjo është një arritje për Myrto Uzunin, futbollistin që shkëlqeu në La Liga 2 në sezonin 22-23, duke regjistruar 23 gola, 5 asiste në 38 ndeshje të luajtura, si askush tjetër. Futbollisti i kombëtares kuqezi ka pasur një rritje të ndjeshme në performancat e tij, duke bërë që të ketë disa oferta dhe së fundmi, por ka vendosur të qëndrojë tek Granada deri në fund të sezonit.

LEXONI GJITHASHTU:

• Milani, perfekt ndaj PSG/ Kuqezinjtë dominojnë e triumfojnë, Dortmund ia del sërish
• Grabitësit mësyjnë në banesën e ish-partneres së Neymar, i marrin “peng” prindërit