Nada Daullja shpall kandidaturën për Bashkinë Vlorë

Këtë të shtunë nënkryetarja e Partisë Demokratike në degën Vlorë, Nada Daullja ka prezantuar kandidaturën në Primare për bashkinë e këtij qyteti.

Ajo deklaroi se është përfshirë në garë pikërisht për risinë që po sjell PD-ja dhe për qëllimin e përbashkët, unitetin për të mundur kundërshtarin politik, siç e quan ajo, “armikun e votës së lirë dhe të dërguarit e tij part-time në Vlorën tonë.”

“Jo pak vlonjatë e kanë parë jetën jashtë qytetit të tyre, në Tiranë apo në emigracion. I respektoj thellësisht zgjedhjet dhe vendimet e tyre, por kam pasur brenda vetes një gjë që më bënte pak më vlonjate se të tjerët: nuk e kam menduar kurrë ikjen nga ky qytet, pavarësisht se nuk ka qenë e lehtë,” – u shpreh Daullja.

Komisioni i Organizimit dhe Kontrollit të Operacioneve Elektorale në PD vendosi shtyrjen e afatit për vetëkandidim dhe kandidim për primare në të gjitha degët e PD, deri në 12 nëntor 2022.

Vendimi ka ardhur pas kërkesës nga degët e PD për shkak të kohës së pamjaftueshme për organizimin e mbledhjeve në çdo nivel organizativ dhe marrjen e propozimeve apo vetë-propozimeve nga struktura partiake në territorin që ata mbulojnë.

Nga ky vendim përjashtohen 16 degët e Bashkisë Tiranë.

LEXONI GJITHASHTU:

• AKU bllokon 21 mijë vezë dhe produkte sallamerie në 13 subjekte në Vlorë
• Rreth 1600 demokratë nga qarku i Korçës dhe 200 automjete nga Vlora për protestën