Nagavci në Balkan Talks: Zgjedhja e presidentit të ri po kthehet në ‘pazar’ midis partive

Lëvizja Vetëvendosje është një forcë politike e cila ka rëndësi në mënyrën se si ajo operon në vend dhe se cfarë do bëjë në situatën në të cilën ndodhet Kosova aktualisht.

Zonja Arbërie na e tregon se ku ndodhet partia që ajo bën pjesë aktualisht.

“Neve na nevojitet që te kemi institucione të besueshme dhe legjitime që do t’i prinin qytetarëve në këto ditë të vështira dhe është dëshmuar tashmë, që në momentin që qytetarët kanë besim në përfaqësuesit e tyre ata edhe i respektojnë vendimet e qeverisë edhe bashkëpunojnë, me çështje që i kanë në interes. Marrëveshjet eventuale që do të mund të arriheshin midis partive janë thjesht pazare të partive politike,”- shprehet Nagavci.

Por cili është aksioni politik i Vetëvendosjes, zonja Nagavci e shpjegon me më shumë detaje më poshtë.

“Si lëvizje në tashmë e kemi filluar procedurën e inicimit të nocionit të mosbesimit. Për fat të keq kemi pasur vetëm 31 nënshkrime të deputetëve tanë. Mendojmë se potencialisht mund të kemi së paku dhe 2-3 nënshkrime të tjera. Nëse ata arrijnë një marrëveshje që PDK ja të ketë presidentin, atëherë do bëhet pjese e qeverisjes,”- thotë zonja Arbërie.

Lexoni gjithashtu

• Jemi gati për zgjedhje të parakohshme, deklaron Arbërie Nagavci
• Balkan Talks/Arbërie Nagavci: Kosova është në situatë të vështirë, pavarësisht se përgjegjësia e të akuzuarve është individuale