Është hapur zyrtarisht sot baza e NATO-s në Kuçovë. Inaugurimi i kësaj baze u bë përmes një ceremonie zyrtare, pjesë e të cilës ishin personalitete të shumta të vendit dhe jo vetëm.

Ish-ministri i Mbrojtjes Fatmir Mediu tha në një intervistë për Euroneës Albania se hapja e bazës së NATO-s në Shqipëri tregon se vlerësimi që i është bërë Shqipërisë është jashtëzakonisht i madh nga pikëpamja gjeopolitike apo sigurisë së Shqipërisë dhe Ballkanit.

Sipas tij, baza e Kuçovës është një sinjal i qartë për të krijuar një zonë ushtarake të NATO edhe në rajonin e Ballkanit Perëndimor.

“Përcaktimi i bazës së Kuçovës si bazë mbështetëse është çështje studimi ushtarak dhe gjeostrategjik. Do të jetë një bazës mbështetëse logjistike për nevojat e NATO, nuk do dislokohen avionë, helikopterët e trupa të NATO-s. Çdo ditë do jenë një strukturë e lehtë që merret me komunikimin me strukturat e NATO, nuk do ketë stërvitje të përditshme”, tha Mediu.