Ndahen çmimet e Panairit të Librit 2023

Çmimet e edicionit të 26-të të Panairit të Librit janë ndarë këtë të shtunë, një ditë para mbylljes së tij.

Ashtu si dhe vitet e tjera Panairit 2023 shpalli më të mirët e Panairit në kategoritë: “Shkrimtari më i mirë”, “Përkthyesi më i mirë”, “Libri më i mirë studimor” dhe “Libri më i mirë i letërsisë për fëmijë”.

1. Përkthyesi më i mirë i vitit 2023: Ana Kove, për romanin “Daullja prej llamarine”, nga Gunter Grass
2. Vepra më e mirë studimore për vitin 2023: Thomas Frashëri, për veprën me titull “Frashëri i shquar, i panjohur”
3. Libri më i mirë për fëmijë i vitit 2023: Rudina Çupi, për librin “Gjyshja me zemrën prej ketri”
4. Çmimi i Ambasadës së Francës në Tiranë për përkthimin më të mirë nga gjuha frënge: Diana Çuli për përkthimin e veprës “Të pandarat” të Simone de Beauvoir
5. Ndërkohë që shkrimtari më i mirë i vitit 2023 iu dha znj. Mira Meksi, për romanin “Parisi vret”, me këtë motivacion: “Për gërshetimin e erudicionit me hedonizmin, për zhytjen në zgafellet e historisë dhe të psikologjisë; për shkrirjen e fakteve me trillimin; për një këndvështrim tjetër mbi disa tabu me rrënjët në kohën e diktaturës, të cilat ende na shoqërojnë; për lëvrimin elegant të gjuhës.”

LEXONI GJITHASHTU:

• Djali i vogël surprizon gazetaren në Panairin e Librit: Do ta lexoj që sot
• Lindita Nikolla në Panairin e Librit: Pjesëmarrje e lartë të rinjsh, lajm i mirë