Ndërtoi objekt pa leje në krah të dyqanit, arrestohet biznesmeni në Sarandë

Një 59-vjeçari është arrestuar nga policia e Sarandës, pasi u konstatua se kishte ndërtuar një objekt pa leje.

Biznesmeni më inicialet I.M., ra në prangat e policisë pasi ndërtoi pa leje një objekt, ngjitur me dyqanin e marrë me qera në lagjen numër 1 të qytetit bregdetar.

Materialet procedurale në ngarkim të tij i kaluan Prokurorisë, për veprën penale “Ndërtimi i paligjshëm”.

“Në vijim të punës për parandalimin, evidentimin dhe goditjen e rasteve të ndërtimeve pa leje, veçanërisht në zonat urbane dhe ato bregdetare, shërbimet e Komisariatit të Policisë Sarandë, bazuar në informacionet e marra se një shtetas kishte ndërtuar, pa leje, në lagjen nr.1, Sarandë, kanë ushtruar kontroll në zonë. Nga kontrollet u konstatua se shtetasi I. M. kishte ndërtuar pa leje, një objekt, ngjitur me dyqanin e marrë me qira, për qëllime përfitimi.

Në vijim të veprimeve, nga specialistët për Hetimin e Krimeve të Komisariarit të Policisë Sarandë u arrestua në flagrancë shtetasi I. M., 59 vjeç, banues në Sarandë”, thuhet në njoftimin e policisë.

LEXONI GJITHASHTU:

• Iu bllokonte valët e telefonit, kush është i riu që mbante të mbyllura nënën e gruan
• Parandalohet ngjarja kriminale, arrestohet 45-vjeçari me 3 mina me telekomandë
• Qëlloi me shpullë një nxënëse, procedohet mësuesja 47-vjeçare