Ndeshja e kthimit në Conference League, letonezët premtojnë surpriza

Një fitore me shumë vlerë në transfertë, por kualifikimi vuloset në Elbasan Arena. Partizani pret mbrëmjen e kësaj të enjte Valmieran, ndërsa synimi i vetëm mbetet kalimi në fazën play off.

Të dyja skuadrat u kanë dhënë fund përgatitjeve të mërkurën, ndërsa janë gati për përballjen, e cila pritet me mjaft interes.

Në konferencën për shtyp trajneri mik ka pohuar se shancet janë 50-50, ndërsa nuk përjashtohen surprizat nga skuadra e tij. Në anën tjetër tek Partizani situata është shumë më ndryshe nga ndeshja e 1 jave më parë, ndërsa disa lojtarë pritet t’i mungojnë në këtë përballje.

Mba, Mensah e Sembene nuk janë rikuperuar plotësisht për të qenë pjesë e takimit, ndërsa Da Silva vijon të jetë i përjashtuar nga trajneri Zoran Zekic, e si pasojë nuk është në dispozicion.

Përballë Valmieras pritet që sulmi ti besohet dyshes Grezda-Cara të mbështetur nga Rrapaj. Favoritë për fitimin e përballjes cilësohen të kuqtë, të cilët kuotohen si skuadra me më tepër shanse për të kaluar më tej. Kujtojmë se ndeshja e zhvilluar në Letoni u mbyll në shifrat 1-2 në favor të Partizanit. Letonezët shënuan të parët me Silvën, ndërsa Partizani u kundërpërgjigj me Carën e Rrapajn.

LEXONI GJITHASHTU: 

• Ngacmoi seksualisht 16 vjeçaren në banesën e saj, në pranga 65-vjeçari
• Meloni nën presion/ Opozita: Dështoi në menaxhimin e krizës migratore