Ndreca: S’është privilegj të jesh investitor strategjik, më shumë fitojnë shqiptarët

Deputeti i Partisë Socialiste, Plarent Ndreca, është shprehur se nuk është privilegj në Shqipëri të jesh investitor strategjik, por sipas tij, është më shumë privilegj për publikun.

Komentet Ndreca i bëri në emisionin “Now me Erla Mëhillin” në Euronews Albania, ku komentoi votimin e sotëm në Kuvend kundër kërkesës që mandati i deputetes Olta Xhaçka të shqyrtohej në Gjykatën Kushtetuese.

Duke folur për bashkëshortin e Xhaçkës si investitor strategjik, ai tha se ai është një person që ka investuar të ardhurat e veta në një sektor strategjik të orientuar nga qeveria.

“Investitori strategjik rëndomtë e konsiderojnë si një privilegj. Nuk është e vërtetë. Është privilegj për publikun. Një individ që merr përsipër të investojë 20 milionë euro, vetë ligji e ka përcaktuar si të vlefshëm për publikun dhe i thotë hajde se do të krijojë disa incentiva unë për të të dhënë mundësinë që t’i të investosh në tiruzëm, sepse e ka orientuar.

Pra i thotë nëse ti investon në këtë sektor strategjik, unë do të konsideroj strategjik ty. Pra i thotë hajde, jo referoju tregut. Pra jo sipas tregut ku fiton më shumë, sepse është interesi im publik që lekët…

Nuk është diskutim ky tani, ka edhe njerëz të ndershëm në këtë vend, jo vetëm maskarenj. Lini njerëzit të dëgjojnë një gjë ndryshe. Ligji nuk është bërë për X dhe Y. Bëhet për ata njerëz që kanë disa para private dhe i çojnë atje ku qeveria i thotë ‘hajde këtu’”, tha Ndreca.

LEXONI GJITHASHTU:

• Kuvendi rrëzon kërkesën e opozitës, mandati i Xhaçkës nuk shkon në Kushtetuese
• Bushka lexon raportin e PS për Xhaçkën, deputetët e opozitës iu bien tavolinave